叫雞可以有無限嘅幻想

ptc077

「司機，新填地街山東街交界快啊唔該！」我老友骨精強好興奮咁大嗌。
一個鐘頭前，我仲因爲我條女Mary要同我分手而係樓下同肥俊飲酒訴苦。
飲到咁上下，肥俊竟然提出左個每個男人都敢諗唔敢做既野，就係叫雞！
個陣見肥俊個樣貓貓地咁我都當佢鳩噏嫁啦，點知咁啱得咁橋我老死骨精強經過聽到肥俊話去叫雞喎。
唔知大家有冇發覺，身邊硬係有個friend係雞蟲黎，無論講啲咩都可以扯到去關於叫雞依話題，而個個人咁啱又係叫阿強，而又咁啱得咁橋個花名都係叫骨精強嫁喎。
入返正題先，話說骨強聽到話去叫雞，即刻扯旗咁款叫我地行，仲話帶我地去一個絕對適合我地依啲缺乏經驗嘅場，仲話包我地一試難忘，可能酒精影響之下再加上肥俊個撚樣連女人手指尾都未掂過嘅情況下佢好想去，佢個陣時嘅眼神我到依加都記得。
講真啦，飛機就打左廿年，窿我真係未探討過，Mary係耶撚黎一齊左成年最犀利都係拖下手仔錫下咀仔咁大把。
所以話去我其實都唔抗拒但係我又有啲淆底，始終都係第一次。
雖然係咁我係好奇心同佢兩位淫棍驅使之下就咁上左車。
出發途中，我一句野都冇講，事關我唔想比佢兩個睇穿我依刻既心情，儘管阿強成程不斷分享佢嘅經驗，肥俊就充滿期待，而我就一句都聽唔入耳。
依刻我成個腦袋都充滿住無限既ff，究竟啲女會係咩樣呢，會唔會好似睇戲咁有好多囡囡企晒係我面前然後不斷叫「幹我啦幹我啦！」咁樣，我仲打算將十幾年黎睇Av嘅心得係一晚用晒出黎，甚麼龍舟掛鼓啊，乞衣煲飯等等......
「諗得多會變諗樣，要真係做先叫做愛嫁嘛。」
不知不覺已經到左目的地，落車個刻興奮嘅感覺已經冇晒，剩低嘅只有緊張。
我開始懷疑今晚自己做嘅依個決定係咪錯，但當我望住對面掛住一塊寫著XX指壓嘅粉紅色燈牌我就知已經無得返轉頭。
老實講我第一眼望到，真係有些少失望。
一塊燈牌一條幽黑嘅樓梯，睇上去真係有啲參差。
阿強見我個樣好似有少少失望就即刻屌埋黎
「屌你黎叫雞定睇樓啊！啲女唔得裝修到皇宮咁都冇用啦下話！你估啲麻甩佬黎會係貪啲裝修靚然後自拍再擺埋上網咩屌！」
我聽完之後我冇回應，我點起一口萬寶路，整頓一下個心情然後就跟住阿強上左去。
上緊去嘅途中，有個睇上去四五十歲嘅阿叔用一個好詭異嘅眼神同我對望左一下，個陣我都仲未知點解直到之後諗返先明白佢點解會咁望我。
一上到去，就見到有個男人歡迎我地，可能比阿強話完所以都冇乜留意個佈局，感覺上好似普通屋企住宅咁，不過燈光就粉紅色，房就有五六間咁啦。
個男人望住我地好好笑容咁問:「三位老細有冇相熟啊，冇就等我介紹，跟我入房先。」
就係咁我同阿強肥俊就分開左，一入到房就見到部電視播住av，不過我都冇乜心情睇，事關真係好撚緊張，我坐係張床到，點起口煙，房嘅格局好簡單，有個透明嘅浴室，天花同牆都鏡，床上面有塊白色毛巾鋪係到，枕頭都有。
等緊嘅時候隨著隔離房傳黎嘅叫床聲令我更加緊張，我一枝煙接一枝咁食。
山雞曾經講過:「叫雞最興奮既係等緊妹妹仔個刻，因為你可以有無限嘅想像空間，有好多好多可以幻想。」
係我仲未黎得切幻想嘅時候，突然！
有人敲門，我抬起頭望左眼，個一刻我個心情就好似期待左去馬爾代夫好耐，當你去到嘅時候發覺馬爾代夫已經沉撚左，冇錯係沉撚左
「HiAuntie你入撚錯房啊！搵老公出去啊咪撚白撞，馬伕你死撚左去邊啊！有人搵老公啊，仲唔出黎幫手！」
傻啦我邊有咁夠膽啊，以上純粹係我幻想。
人如果受到一啲嚴重接受唔到嘅野，大腦會自動將個段記憶封鎖起佢，令到佢冇咁痛苦。
我依稀記得佢臉上嘅幾條皺紋眼大大鼻高高嘴細細咁，仲有著住條豹紋摟屌裙，年齡大約三十歲，就係咁多啦。
如果佢後生返十年應該都係一件尤物，只能說時間真的是女人的一把殺豬刀。
佢入到黎第一句就同我講「第一次黎玩啊小朋友，我都未見過好似你咁後生嫁喎，哈哈。」
「哈哈！你知唔知我上黎之前係幾撚充滿希望，就算啊唔係靚女都唔好整件姨姨比我啊屌！」當然，依句說話我冇講到出口。我只係輕輕咁嗯左一聲，然後繼續扮鎮定望住部電視。
姨姨見我坐左係到忍唔住笑左出黎話:「你唔除衫點沖涼啊。」
我為左唔想柒，所以就話:「你沖先啦，我想抖下先。」
當我以爲自己好有型個陣，佢走埋黎咩都冇講幫我除衫，然後就拖左我入浴室。

係浴室，我睇一次真正咁望到女人嘅裸體，原來當一個你唔愛女人係你面前，即使佢係裸體你都唔會有任何反應。
依個時候，我諗起Mary。
我同Mary係中學同學，佢係插班生。
第一眼見到佢，佢咩住個背囊，留住一把長長嘅黑髮，雪白嘅肌膚，而且仲有一種令人好想保護佢嘅衝動。
Mary最吸引我嘅就係佢個對大大嘅眼，總係好似散發住光芒咁。
佢最令我中意嘅唔係佢外表而係佢個種傻得黎又可愛嘅性格，有時候佢會好溫柔，有時候會好幼稚，有時候又會好惡。
雖然Mary成日個細路女咁，但係每當我徬徨無助嘅時候佢總可以係我身邊安慰我陪伴我。
Mary我好掛住你。

我望住姨姨，個一刻我知道我需要嘅唔係一場交易而係一個擁抱。
我攬住姨姨，諗返起過去同Mary嘅點點滴滴
「喔 第一次我說愛你的時候
呼吸難過心不停地顫抖
喔 第一次我 牽起你的雙手
失去方向 不知該往那兒走
那是一起相愛的理由(對我)
那是一起廝守」
，眼淚就隨住回憶一齊流出黎。
姨姨咩都冇問，只係靜靜地咁摸著我個頭抱住我。
我唔知我喊左幾耐，直到有人拍門話夠鐘我先停落黎。
走嘅時候姨姨比左封利是我，佢話係規矩黎，第一次去玩要封返封利是。
我望住佢，講左句多謝之後就轉身離開。
落到去佢地已經等緊我，我冇講任何野，佢地亦好似知道發生咩事，只係靜靜地抱我一下。
我冇同肥俊佢地一齊走，因為我知道有個地方我一定要去。
「司機大佬中環碼頭啊唔該！」
「生命中所有的路口，絕不是盡頭，別怕 讓我留在你身邊，都陪你渡過。」